Të shtëna me armë zjarri janë dëgjuar në rrugën “Adem Voca” në Mitrovicë të Jugut, sonte rreth orës 20:55.
Lajmin për RTKlive e ka konfirmuar zëdhënësi i Policisë për Rajonin e Mitrovicës, Avni Zahiti. Ai tha se nuk raportohet për të lënduar.
“Rreth orës 20:55 policia ka pranuar informatën se në rrugën ‘Adem Voca’ në Mitrovicë janë dëgjuar të shtëna nga arma e zjarrit. Nga të shtënat nuk raportohet për të lënduar”, theksoi Zahiti.
Ai tha se njësitet përkatëse policore kanë nisur hetimet.
