Policia e Kosovës ka njoftuar se një burrit nga Prizreni i ka gjetur armë pa leje pasi kishte informata se i posedonte ato.
“Me datën 04.04.2025 Njësiti i Hetimeve të Stacionit Policor në Prizren, përmes rrugëve operative e hetimore kanë arritur tek informacioni se i dyshuari N.T. viti i lindjes 1977, mashkull kosovar është në posedim të armëve pa leje. Me të pranuar informacionin, është njoftuar Prokurori i Shtetit me leje të së cilit është realizuar kontroll në shtëpinë dhe objektet përcjellëse të të dyshuarit”, thuhet në njoftim
Bëhet e ditur se gjatë kontrollit janë gjetur dhe sekuestruar në cilësinë e provave materiale një pistoletë e tipit AREX e kalibrit 9×19, një pushkë gjysme automatikë e tipit Crvena Zastava, një karikator i pistoletës, gjashtë fishekë të kalibrit të panjohur, dy fishekë me gaz, dyzetë e një fishekë të armëve të gjata, një karikator i pushkës gjysme automatike, një palë dylbi të tipit ZRAK ON-M76.
Tutje theksohet se ndaj të dyshuarit do të ngritët kallëzim penal për veprën ‘’Mbajtje në pronësi, kontroll, posedim të paautorizuar të armëve’’.
