Shkruan: Dr. Gurakuç KUÇI – Hulumtues i Lartë në Institutin për Studime të Luftës Hibride “OCTOPUS” dhe profesor
Serbia intensifikon sulmin propagandistik përmes KosovoOnline, duke inskenuar gjoja “presion mbi religjionin serb” në Kosovë — një narrativë e rrejshme për të diskredituar shtetin e Kosovës dhe nxitur serbët.
16 persona të arrestuar për përfshirje në rrjetin e inteligjencës ushtarake serbe, 4 prej tyre të maskuar si pelegrinë — dëshmi konkrete për infiltrimin e shërbimeve serbe në territorin e Kosovës.
Vuçiqi vazhdon të mbrojë të arrestuarit, ashtu siç mbrojti edhe terroristin Radojiçiq — duke treguar që përveç se është organizator, Vuçiq është edhe zëdhënës i strukturave kriminale anti-Kosovë.
Ai organizon marshime të serbëve nga Kosova drejt Serbisë, për t’i shërbyer propagandës së tij autoritare dhe për të treguar se kontrolli i Beogradit mbi veriun mbetet i gjallë.
Gjuha e urrejtjes, e sponsorizuar hapur nga regjimi i Vuçiqit, po ndikon gjithnjë e më shumë në sjelljen e institucioneve serbe: policia serbe ka sulmuar një futbollist shqiptar të FC Tërnocit, vetëm pse është shqiptar — duke dëshmuar se urrejtja tashmë është bërë sistematike dhe e institucionalizuar.
Kjo nuk është vetëm propagandë — është një luftë e organizuar hibride, që kërkon vëmendje, reagim dhe unitet kombëtar.
