Doarsa Kica-Xhelili, përfaqësuese e Lidhjes Demokratike të Kosovës, tha se në takim, si përfaqësues të partive politike, kemi biseduar në mënyrë strikte për mbarëvajtjen e seancës së datës 15 prill. Ajo foli edhe për letrën e kryeministrit në detyrë, Albin Kurti, dërguar kryetarit të LDK-së, Lumir Abdixhiku, për të cilën tha se i mbetet Abdixhikut t’i kthejë përgjigje.
Duke folur rreth takimit në Kuvend në kryesimin e kryetarit të Kuvendit të Kosovës, Galuk Konjnufca, Kica-Xhelili shtoi se ky takim i sotëm në Kuvend, ishte takim procedural, i cili kishte për qëllim diskutimin mbi mbarëvajtjen e seancës së datë 15 prill.
Kica-Xhelili më tej sqaroi se në mbledhje, mes tjerash, u diskutua edhe çështja e betimit të deputetëve dhe vuri në dukje se në këtë seancë pritet edhe propozimi për postin e kryetarit të Kuvendit, që vije nga radhët e shumicës parlamentare, por edhe nga radhët e partive të tjera që nuk përbën shumicën në parlament.
Kica-Xhelili më tej sqaroi qëndrimet e LDK-së për këtë çështje, që sipas saj, LDK mëton që në Kosovë të kemi sa më parë të themeluara institucionet e shtetit, sepse, shtoi ajo, është vitale për qytetarët e vendit që politikat zhvillimore të ecin përpara.
“Vonimi i institucioneve të vendit do t’i bënte dëm qytetarëve të vendit”, tha ajo.
Ndërkaq për letrën e Kurtit dërguar Abdixhikut, Kica-Xhelili tha se mbetet që Lumir Abdixhiku të kthejë përgjigje, nëse do të pranojë ftesën ose jo, sepse ftesa i është dërguar kryetarit të LDK-së.
