Shkruan: Prof. Dr. Muhamet KELMENDI
Me qenë demokratë është gjë shumë e rëndë, por edhe shumë e mirë.
Demokrati vërehet nga angazhimi që e bënë si njeri në shoqëri e shtet.
Shqiptarët ishin gjatë historisë në gjendje të rëndë. Populli i ynë dhe territoret historike shqiptare u ndanë dhe u copëtuan.
As Greqia, as Maqedonia, as Mali i Zi, as Turqia dhe as Serbia nuk treguan se janë për lirinë shoqërore, sociale dhe kombëtare të çdo kombi në shtet.
Me ndihmën e Fuqive të Mëdha, shtetet e Ballkanit, bënë masakra dhe gjenocid mbi shqiptarët.
Në asnjë kryeqytet te shteteve pushtuese nuk u kërkua kurrë liria e kombit shqiptar. Kishte ndonjë zë, por shumë të rrallë dhe të vetmuar. Kudo u sulmuan ashpër dhe më ashpër shqiptarët.
Në deceniet e fundit e tërë kjo u bë me prezencën e BE-së
Demokracia kërkon angazhim, punë dhe sakrifica për barazi sociale, shoqërore dhe kombëtare. Mos respektimi dhe mos angazhimi në mbrojtjen e vlerave demokratike është antidemokratike.
Në fakt, me pështjellim dhe me mbulim demokratik, u bë dhunë dhe terror ndaj shqiptarëve.
Nën ombrellën demokratike u dhunuan, u masakruan e u dëbuan nga viset e veta shqiptarët në Greqi, ne Mal te Zi, Ne Maqedoni dhe në Serbi.
Kudo nëpër këto shtete thirren zyrtarët dhe shumë forca antidemokratike në demokraci dhe bëjnë plane e veprojnë me masë të dhunës neofashiste.
Ndërrimi i emrave e të mbiemrave, dëbimet dhe ndalimi i gjuhës dhe të kulturës shqipe është mjet i dhunës raciste.
Aty dhe në ato shtete që kështu veprohet nuk ka demokraci por dhunë raciste.
Kjo, ndoshta, dikujt nuk i konvenon.
Menjëherë do të bëjë një krahasim banal midis gjendjes në veri të Kosovës me dhunën raciste ndaj shqiptarëve
Kjo është e pakapshme.
Kosova dhe Shqipëria nuk po kryejnë dhe nuk kanë kryer dhunë raciste.
Me ligj e kan minoritarët të garantuar gjuhën, kulturën, shkollimin amtar dhe mbrojtjen në gjuhën e vetë.
Përkundrazi! Mbi shqiptarët është dhe po kryhet dhunë e tillë raciste.
Ndërrimi i emrave a të mbiemrave është element i dhunës raciste.
A bëhet kjo me dhunë fizike a me mjete të presionit ekonomik e social nuk ka rëndësi.
Aq më parë, kur as gjuha amtare shqipe nuk lejohet në Greqi, në Turqi, në Serbi, në Mal të Zi dhe tash në Maqedoni.
Shtetet e tilla me ligj u ndaluan shqiptarëve gjuhën dhe kulturën e tyre.
Këtu nuk ka pardon.
