Komandanti i lartë i forcave amerikane në Evropë tha të martën se Shtetet e Bashkuara duhet të mbajnë një prani ushtarake në kontinentin evropian, pasi Pentagoni nën Presidentin Donald Trump filloi të rishikonte rolin e tij global.
Ushtria amerikane ka më shumë se 100,000 trupa në Evropë , por Sekretari i Mbrojtjes Pete Hegsett u tha homologëve të tij evropianë se ata nuk duhet të mendojnë se prania ushtarake amerikane do të zgjasë përgjithmonë.
“Këshilla ime është që ta mbani forcën ashtu siç është tani,” u tha gjenerali Christopher Cavoli ligjvënësve gjatë një seance dëgjimore të Komitetit të Shërbimeve të Armatosura të Dhomës së Përfaqësuesve.
Cavoli kujtoi se ushtria rishikon periodikisht numrin e ushtarëve të vendosur në Evropë që nga viti 2022, kur Uashingtoni dërgoi 20,000 ushtarë shtesë për shkak të pushtimit te Ukraines . Kavoli nuk rekomandon uljen e këtij numri.
“Gjatë gjithë kësaj periudhe, unë vazhdimisht kam rekomanduar që ne t’i mbajmë këto forca dhe do të vazhdojmë ta bëjmë këtë nëse na kërkohet një gjë e tillë”, shtoi ai.
