Federata e Futbollit të Brazilit njoftoi se të gjitha ndeshjet e ligës kombëtare do të fillojnë me një minutë heshtje për të nderuar Manga.
sh-portieri i kombëtares braziliane, Hailton Correa de Arruda, i njohur më mirë si Manga, ka ndërruar jetë në moshën 88-vjeçare pas një sëmundje të gjatë dhe të rëndë.
Manga ka vite që po lufton me kancerin e prostatës, sipas mediave braziliane.
“Me pikëllim të madh ju njoftojmë se ka ndërruar jetë Manga jonë e paharruar, idhulli ynë, një nga portierët më të mëdhenj në historinë e futbollit botëror”, njoftoi ish-klubi i tij Botafogo.
Federata e futbollit të Brazilit njoftoi se të gjitha ndeshjet e ligës kombëtare do të fillojnë me një minutë heshtje për të nderuar Manga.
“Përveç mbrojtjeve të tij të shkëlqyera, ai tërhoqi vëmendjen në fushë sepse nuk përdorte doreza”, thuhet në një deklaratë nga FS Brazil.
Manga luajti 12 ndeshje për kombëtaren braziliane, për të cilën luajti në Kupën e Botës 1966.
Manga është një legjendë e vërtetë e Botafogos, për të cilën luajti gjithsej 442 ndeshje nga viti 1959 deri në vitin 1968, duke e bërë atë të katërtin në listën e të gjitha kohërave për numrin e paraqitjeve të regjistruara.
Me Botafogon ai fitoi katër herë kampionatin e Rio de Zhaneiros, duke luajtur së bashku me futbollistët legjendar brazilianë Garrincha, Didi, Gerson dhe Zhairzinho.
Portieri brazilian u transferua nga Botafogo te Nacional nga Montevideo, me të cilin fitoi Kupën Libertadores dhe Kupën Ndërkontinentale në 1971.
Ai e mbylli karrierën e tij në moshën 46-vjeçare në Ekuador, si lojtar i Barcelonës nga Guayaquil.
