TRE PERSONA u vranë dhe tre të tjerë u plagosën në një të shtëna në qarkun Spotsylvania në shtetin amerikan të Virxhinias, rreth 100 kilometra në jug të Uashingtonit.
Asnjë arrestim nuk është bërë për momentin dhe i dyshuari nuk është identifikuar, thanë zyrtarët.
Incidenti ishte ende duke u karakterizuar si një “situatë me revole aktive” të martën mbrëma, tha Elizabeth Scott nga Zyra e Sherifit.
“Asnjë arrestim nuk është bërë në këtë moment, prandaj kërkojmë që pjesëtarët e publikut të qëndrojnë larg zonës dhe të lejojnë hetuesit të bëjnë punën e tyre”, tha ajo.
“Kjo është për skenarin më të keq të mundshëm”
Banorët pranë skenës së të shtënave u këshilluan të qëndrojnë në shtëpitë e tyre, shtoi ajo. “Bëhet fjalë për skenarin më të keq të mundshëm – gjashtë persona u plagosën”, tha ajo.
Viktimat u transportuan në spital, por gjendja e tyre shëndetësore nuk dihet dhe nuk ka informacion për moshën, tha sherifi Roger L. Harris në një deklaratë.
Scott shtoi se hetuesit në terren, së bashku me anëtarët e Policisë së Shtetit të Virxhinias dhe policisë së Fredericksburg, po përpiqeshin të rindërtonin saktësisht atë që ndodhi.
“Hetues të shumtë janë ende në vendin e ngjarjes duke u përpjekur të përcaktojnë se cilët janë të dyshuarit dhe cili ishte motivi”, tha ajo.
