“Ne po kërkojmë një mesazh të qartë nga administrata juaj që konfirmon se Musk do të largohet nga pozicioni i tij dhe do të humbasë të drejtën e tij për të marrë vendime deri më 30 maj, siç kërkohet me ligj”, thuhet në letrën, raporton Axios.
Ata gjithashtu kërkuan që Musk të shesë kompanitë e tij, SpaceX dhe Tesla, nëse Trump vendos ta kthejë atë në qeveri. Këtë kërkesë ata e kanë arsyetuar me faktin se këto dy kompani marrin fonde të konsiderueshme nga buxheti amerikan.
Kreu i grupit parlamentar që nisi këtë nismë, Greg Casar, i tha Axios se ky është “vetëm hapi i parë” dhe se Partia Demokratike ka “opsione ligjore dhe politike” për të përmbushur këtë kërkesë.
“Trump duhet ta dijë se presioni publik ndaj tij vetëm do të rritet, nga sot deri më 30 maj”, tha Casar.
Megjithatë, vlen të theksohet se që nga fillimi i mandatit, administrata Trump në disa raste ka injoruar rregullat që janë pjesë e ligjeve dhe kushtetutës amerikane dhe shembulli më i mirë për këtë është dëbimi i më shumë se 200 qytetarëve venezuelianë, edhe pse një gjykatës i ndaloi ta bëjnë këtë.
