Presidenti amerikan bëri një deklaratë pak minuta më parë me një fjali: “Çfarë dite, por do të vijnë ditë më të mëdha!!!”
Trump ka të ngjarë t’i referohet ditës së djeshme, kur papritmas ndaloi disa nga tarifat e tij të reja për 90 ditë dhe tha se do të rriste më tej tarifat për importet nga Kina.
What a day, but more great days coming!!!
Donald Trump Truth Social 04/10/25 12:45 AM
— Donald J. Trump Posts From His Truth Social (@TrumpDailyPosts) April 10, 2025 “>
Ndryshimi i papritur erdhi më pak se 24 orë pasi hynë në fuqi tarifat e reja amerikane për importet nga dhjetëra vende që janë partnerë tregtarë të Shteteve të Bashkuara të Amerikës.
Barrierat e reja tregtare i kanë dhënë një goditje tregjeve, kanë rritur gjasat për një recesion dhe kanë çuar në kundërmasa nga Kina dhe Bashkimi Evropian.
Trump tha se do të rriste tarifat për importet nga Kina në 125 për qind nga 104 për qind, e cila hyri në fuqi në mesnatë.
“>
Ai theksoi se do të rriste tarifat ndaj Kinës për shkak të “mungesës së respektit që Kina ka treguar për tregjet botërore”.
Më herët të mërkurën, Kina njoftoi tarifa prej 84 për qind për importet nga Shtetet e Bashkuara.
“Kam miratuar një PAUZË 90-ditore dhe kam ulur ndjeshëm tarifat reciproke prej 10 për qind gjatë asaj periudhe,” tha ai, duke shtuar se vendimet për pauzën dhe rritjen e tarifave ndaj Kinës hyjnë në fuqi menjëherë.
Detajet e lëvizjes së tij nuk dihen ende, por pasojat janë, dhe kjo është rritja historike e bursave, veçanërisht atyre amerikane.
