Në një lidhje të drejtpërdrejtë nga Peja në RTK, Blerta Hargji Begolli, zyrtare e lartë për planifikimin e projekteve në Komunën e Pejës, dha detaje për manifestimin “Një Ditë, Një Majë – Skiatorët e Tre Shteteve”.
Ajo theksoi se në këtë manifestim do të marrin pjesë figura të rëndësishme nga Mali i Zi, Shqipëria, dhe natyrisht nga Peja, ndërsa do të jenë gjithashtu të ftuara edhe ambasadat.
Blerta Hargji Begolli sqaroi se ky projekt është tri-kufitar dhe se këtë vit do të mbahet në Pejë, ndërsa vitin tjetër do të mbahet në një vend tjetër. Ajo shtoi se manifestimi do të hapet sot në Asamblenë Komunale, ku do të shfaqen video për të parë se çfarë përmban ky projekt.
“Ky projekt është ende me financime të vogla, por gjatë takimit të sotëm, ku do të marrin pjesë gjashtë kryetarët e komunave, do të diskutohet se si mund të shtyjmë përpara këtë projekt, duke pasur parasysh mundësitë për përmirësim”, tha Blerta Hargji Begolli.
