Shkruan: Prof. Dr. Muhamet KELMENDI
Propozim-rezoluta e nxjerrë nga kongresistët amerikanë drejtuar Komisionit për Punë të Jashtme, është hap i rëndësishëm për të pasqyruar krimin më të rëndë në Kosovë, dhunimet seksuale që forcat okupuese serbe i kanë bërë mbi shqiptarët.
Nga të dhënat e bëra të ditur jepet një shifër prej 20 mijë femrave dhe burrave shqiptarë të përdhunuar.
Forca dhe intensiteti i këtij krimi është i lartë.
Mendohet se brenda disa muajsh, kryesisht gjatë muajit mars, prill, maj dhe qershor të vitit 1999,, janë përdhunuar të gjitha këto femra dhe meshkuj shqiptarë nga forcat paramilitare, militare, policore dhe ushtarake serbe në Kosovë.
Dhuna e tillë seksuale është e intensitetit të lartë. Armiqtë e futen këtë mjet si pikësynim për të denigruar dhe c’veresuar moralin historik shqiptar.
Me këtë deshën të arrijnë konflikte brenda për brenda shqiptarëve dhe kështu të kemi ikje nga vendi, si mjet i shpëtimit nga turpi i bërë mbi të përdhunuarit, kuptohet për të serbizuar Kosovën.
Kërkesa e kongresistëve amerikanë është një hap i qëlluar për të kapur dhe dënuar krimet më monstruoze serbe në Kosovë. Natyrisht se pas Rezolutës kërkohet të futen në veprim dhe të kërkohet, qofte edhe në OKB, dënimi i monstruozëve serbë.
I takon gjithashtu organeve të Kosovës që kudo të dërgojnë prova mbi këtë dhunë të paimagjinueshme shoveno-raciste serbe.
Kjo dhunë mund të ndëshkohet vetëm me krijimin e një gjykate të Specializuar për ndëshkimin e krimeve te dhunës seksuale në Kosovë nga shteti serb..
Në Gjykatë Speciale është vendi i dënimit të kriminelëve monstruoz serbë.
Me atë krijohet një bazë qe krimi i tillë mos të kaloj pa ndëshkim. Dhe, nuk duhet te kaloj.
Shteti serb është treguar gjatë luftës në Kosovë si shtet barbare. Kësi rastesh dhe në këtë gjerësi e në intensitet kanë ndodhur vetëm në skllavëri.
Serbisë duhet dhënë një ndëshkim që të merre një mësim se dhuna e tillë seksuale nuk tolerohet dhe dënohet.
Në fakt me ndëshkimin e tillë fiton edhe vetë BE dhe mbarë bota demokratike.
Kuptohet se edhe për shqiptarët është një lehtësi e madhe psikike.
Me këtë tregohet se dhuna nuk do të kalon pa ndëshkim të lartë dhe të dhimbshëm për shtet dhe për komb.
