residenti turk Rexhep Tajip Erdogan deklaroi gjatë një takimi me anëtarët e Presidencës së BiH në Antalia se Ankaraja i kushton rëndësi të veçantë ruajtjes së stabilitetit në Ballkan, si dhe mbrojtjes së integritetit territorial, sovranitetit dhe rendit kushtetues të Bosnjë-Hercegovinës.
Në margjinat e Forumit Diplomatik në Antalia të shtunën, Erdogan u takua me Kryetaren e Presidencës së BiH-së, Zheljka Cvijanoviç, dhe anëtarët e Presidencës Denis Beqiroviq dhe Zheljko Komshiq.
Sipas një deklarate nga zyra e Erdoganit, gjatë takimit u diskutuan marrëdhëniet dypalëshe midis Turqisë dhe Bosnje-Hercegovinës, si dhe çështje rajonale dhe globale.
