Të paktën 34 persona u vranë në sulmin me raketa balistike ruse në qytetin Sumi në verilindje të Ukrainës, i cili ndodhi mëngjesin e sotëm të Dielën e Palmës. Dy fëmijë ishin mes të vdekurve. Të paktën 117 persona u plagosën, duke përfshirë 15 fëmijë. Ky është një nga sulmet më vdekjeprurëse ruse në Ukrainë këtë vit.
Siç konfirmohet nga autoritetet ukrainase, në sulm është goditur një trolejbus dhe sulmi është kryer me një raketë balistike Iskander-M.
Presidenti ukrainas Volodymyr Zelensky gjithashtu reagoi ndaj sulmit brutal. “Pa presion mbi agresorin, paqja nuk është e mundur. Bisedimet nuk kanë ndalur kurrë raketat balistike dhe bombat ajrore. Rusia duhet të trajtohet ashtu siç e meritojnë terroristët”, tha Zelenski.
Shefi i zyrës së tij, Andrij Jermak, tha se raketat përmbanin municione thërrmuese. “Rusët po e bëjnë këtë për të vrarë sa më shumë civilë”, tha Yermak.
Sekretari amerikan i Shtetit Marco Rubio e quajti sulmin rus ndaj Sumit “një kujtesë tragjike se pse Presidenti Trump dhe administrata e tij po investojnë kaq shumë kohë dhe përpjekje në përpjekjen për t’i dhënë fund kësaj lufte dhe për të arritur një paqe të qëndrueshme”.
Rubio shtoi se Shtetet e Bashkuara shprehin ngushëllimet e tyre më të thella për viktimat e sulmeve raketore.
