Përfaqësuesja e Lartë e Bashkimit Evropian për Politikë të Jashtme dhe Siguri, Kaja Callas, ka thënë sot se në fund të majit do të vizitojë Serbinë dhe Kosovën.
Pas takimit të diplomatëve të BE-së në Luksemburg, ajo përsëriti se normalizimi i marrëdhënieve ndërmjet dy palëve është shumë i rëndësishëm dhe se dialogu Beograd-Prishtinë duhet të vazhdojë.
Ajo shtoi se në takim u theksua se BE-ja nuk do të shikojë mirë pjesëmarrjen e askujt në festën e 9 majit në Moskë, sepse Rusia filloi një luftë në Evropë.
Ajo gjithashtu theksoi se stabiliteti dhe siguria e Ballkanit Perëndimor janë thelbësore dhe se rajoni gjeografikisht është në Evropë, kështu që zgjerimi është i rëndësishëm sepse edhe ata duhet të jenë anëtarë të Unionit.
