Presidentja e vendit, Vjosa Osmani, e ka falënderuar presidentin Erdoğan, Zonjën e Parë Emine Erdoğan dhe institucionet turke për pritjen dhe mbështetjen e shtetit tonë përgjatë Forumit Diplomatik të Antalyas, e cila është një platformë e rëndësishme për t’i thelluar raportet e Kosovës me aleatët.
Presidentja e vendit, Vjosa Osmani, e ka falënderuar presidentin Erdoğan, Zonjën e parë Emine Erdoğan dhe institucionet turke për pritjen dhe mbështetjen e shtetit tonë përgjatë Forumit Diplomatik të Antalyas, e cila, sipas saj, është një platformë e rëndësishme për t’i thelluar raportet e Kosovës me aleatët.
Osmani, në një postim në Facebook, tha se Kosova çdo ditë e më shumë po e fuqizon pozitën e saj në arenën ndërkombëtare falë mbështetjes së miqve që po i qëndrojë pran vendit tonë.
“Njohja nga Sudani dhe diskutimet konkrete me përfaqësues të vendeve që ende nuk e kanë njohur Kosovën, si dhe takime me shumë partnerë të tjerë, dëshmojnë përkushtimin tonë për ndërtimin e miqësive të reja dhe forcimin e aleancave ekzistuese. Kosova çdo ditë e më shumë po e fuqizon pozitën e saj në arenën ndërkombëtare falë punës së pandalshme dhe mbështetjes së miqve që gjithnjë na qëndruan pranë”, ka shkruar Osmani në Facebook.
