Shkruan: Agim ALIÇKAJ
Pak kohë më parë në Lorrach të Gjermanisë, mora pjesë në tryezën studimore kushtuar veprës së Papa Klementit XI-Albani organizuar nga Shoqata e Shkrimtarëve dhe Artistëve në Suedi “Papa Clement XI Albani” dhe Lobi Euro-Atlantik Shqiptar. Populli shqiptar i shumëvuajtur, krenar dhe i pamposhtur, ndër më të vjetrit në Evropë e në botë, me djemtë dhe vajzat e tij ka lënë gjurmë të pashlyeshme në historinë e kombeve. Lind pyetja, ku janë akademitë tona të shkencave?! Ata po flenë ndërsa akademia serbe planifikon me shkrim zhdukjen e historisë dhe të kombit shqiptar. Ishte nder dhe kënaqësi për mua të isha me patriotët shqiptarë nga të gjitha trevat dhe të gjitha bindjet tona fetare. Takimin me praninë e tyre e nderuan edhe kryeparlamentari Glauk Konjufca dhe këngëtarja e njohur Miranda Hashani. Falenderime të përzemërta për Kryetaren e Shoqatës znj. Saranda Iseni dhe Kryetarin e Lobit Euroatlantik z.Shukri Ymeri. Në të njëjtën kohë u bë edhe përurimi i Hotel Goldener Taler, Lorrach, Gjermani, ose siç e emëroi Shukriu, KULLA E KOMBIT SHQIPTAR.
