Rreth 350 shkrimtarë izraelitë kanë nënshkruar një letër duke bërë thirrje për t’i dhënë fund luftës shkatërruese në Gaza, raportoi Times of Israel.
Mes nënshkruesve janë shkrimtarë të njohur si David Grossman, Joshua Sobol dhe Zeruya Shalev. “Kjo luftë po rrezikon jetën e ushtarëve të IDF-së, pengjeve dhe po u shkakton vuajtje të tmerrshme civilëve të pafuqishëm në Gaza”, thuhet në letër.
Veprimet në Gaza dhe në territoret e pushtuara nuk janë bërë në emrin tonë, por do të jenë në kurrizin tonë”.
Netanyahu akuzohet
Nënshkruesit bëjnë thirrje për përfundimin e menjëhershëm të operacionit ushtarak kundër lëvizjes islamike palestineze Hamas, kthimin e pengjeve të marra në Rripin e Gazës dhe një marrëveshje ndërkombëtare për të ardhmen e Rripit të Gazës.
Autorët akuzojnë kryeministrin izraelit Benjamin Netanyahu për vazhdimin e luftës për arsye personale. Tashmë ka pasur disa thirrje të ngjashme nga radhët e ushtrisë që kërkonin fundin e luftës dhe një marrëveshje me Hamasin për lirimin e pengjeve.
Ushtria izraelite beson se nga 251 personat e rrëmbyer, 58 mbahen ende në Gaza, duke përfshirë 34 të vdekur.
Në sulmin e Hamasit në jug të Izraelit më 7 tetor 2023, sipas shifrave zyrtare, 1218 persona humbën jetën dhe në përgjigjen izraelite, numri i të vdekurve në Gaza i kaloi 50.000.
