Sipas njoftimit zyrtar, menjëherë pas pranimit të informatës për grabitje, njësitet hetimore kanë ndërmarrë veprimet e nevojshme për zbardhjen e rastit. Por, gjatë hetimeve të zhvilluara në bashkëpunim të ngushtë me prokurorin e shtetit, është konstatuar se ngjarja nuk kishte ndodhur në mënyrën e përshkruar nga denoncuesi.

I dyshuari është arrestuar sot nga policia, ndërsa ndaj tij është iniciuar procedurë penale për veprën penale “lajmërim i rrejshëm”.

Policia e Kosovës thekson se mbetet e përkushtuar në garantimin e rendit dhe sigurisë publike, duke vepruar me profesionalizëm dhe në përputhje me ligjin.