Burrat që folën në konferencën për shtyp, identitetet e të cilëve nuk janë bërë të ditur, thanë se qeveria kineze nuk e dinte se ata ishin rekrutuar nga ushtria ruse.
Ata deklaruan se i nënshkruan kontratat përmes ndërmjetësve, njoftoi agjencia shtetërore Interfax-Ukraine.
“Autoritetet kineze i kanë paralajmëruar qytetarët që të mos udhëtojnë në zonën e luftës. Doja të bëhesha ndihmës. Unë u plagos dhe u dorëzova,” tha ai.
Ai shtoi se autoritetet kineze po promovojnë një qëndrim miqësor ndaj Rusisë dhe informacionet për atë vend, sipas tij, janë të shtrembëruara dhe përdoren për të tërhequr qytetarët kinezë në luftë.
Ai tha se asgjë që rusët u thanë nuk ishte e vërtetë.
“Unë do ta quaja kurth”, tha burri për mediat.
Burrat nga Kina joshen në makinën ruse të luftës përmes reklamave në mediat sociale që premtojnë paga të larta dhe aventura të kohës së luftës.
