Ministri i Jashtëm rus Sergei Lavrov tha se vendi i tij “nuk po ndjek askënd, duke kërkuar që të hiqen sanksionet e vendosura ndaj tij”.
Ai tha se sa i përket bashkëpunimit tregtar me SHBA-në, gjithçka do të varet nga mënyra se si Amerika planifikon të pozicionohet drejt vazhdimit të bashkëpunimit ekonomik me Rusinë, raporton RIA Novosti i regjimit.
– Ky ndërveprim ekonomik është i bllokuar me 95 për qind, ndërkohë që vlera e këmbimit dhjetë vjet më parë ishte 30 miliardë dollarë rekord. Bashkëpunimi ekonomik tani është pothuajse plotësisht i bllokuar nga sanksionet e paligjshme, tha Lavrov.
Sipas tij, nuk ka më globalizim të ekonomisë botërore.
“Ajo nuk u shkatërrua nga presidenti aktual i SHBA-së, Donald Trump, por nga paraardhësi i tij Joe Biden kur vendosi sanksione që u bënë mjeti i vetëm i politikës së tij të jashtme”, tha kreu i diplomacisë ruse.
