Shin Bet thekson se ka një rritje të papritur të incidenteve në të cilat “punonjësit në institucionet e sigurisë ndajnë në mënyrë të paligjshme materiale konfidenciale nga organizatat e sigurisë dhe sistemet e tyre të informacionit”.
Qëllimi i hetimit të Shin Bet ishte “të parandalonte rrjedhjen e informacionit konfidencial te personeli i paautorizuar, në një mënyrë që mund të kërcënonte sigurinë e shtetit të Izraelit”, thuhet në deklaratë.
Të martën, u zbulua se policia izraelite arrestoi një zyrtar të Shin Bet me dyshimin se punonjësi abuzoi me pozitën e tij dhe aksesin në sistemet e informacionit Shin Bet për të shkarkuar informacione të klasifikuara dhe për t’ia kaluar ato palëve të paautorizuara.
Nga hetimi u konstatua se këtë e ka bërë disa herë në disa raste, duke dhënë informacione për gazetarët. Shin Bet siguron se gazetarët nuk kanë qenë objekt hetimi dhe se ata nuk janë përgjuar dhe as janë marrë në pyetje.
Nga ana tjetër, i dyshuari pranoi rrjedhjen e informacionit, por pretendoi se ai “përcillte informacione me rëndësi të madhe publike me qëllimin për të tërhequr vëmendjen e publikut”.
