Autoritetet TURKE njoftuan të martën se 234 persona ishin arrestuar në pesë vende në një operacion të madh ndërkombëtar kundër organizatave të përfshira në trafikun e drogës.
“234 anëtarë të lartë të grupeve të krimit të organizuar janë arrestuar, 225 në vend dhe nëntë jashtë vendit”, tha ministri i Brendshëm turk Ali Yerlikaya, duke shtuar se arrestimet u kryen në Holandë, Gjermani, Spanjë dhe Belgjikë.
Shikoni videon
“>
Midis atyre që janë në shënjestër janë anëtarë të organizatave të përfshira në trafikun e kokainës, heroinës dhe ekstazisë në disa kontinente, tha Yerlikaya.
Më shumë se 21 ton lëndë narkotike dhe pasuri me vlerë 13 miliardë lira turke (rreth 300 milionë euro) u sekuestruan, shtoi Yerlikaya.
“Ne po përballemi me një strukturë ndërkombëtare në shkallë të gjerë”, tha ministri turk, duke vënë në dukje se të dyshuarit akuzohen për një gamë të gjerë krimesh, nga trafiku i drogës deri te vrasjet dhe pastrimi i parave.
“Si pjesë e këtij operacioni, informacioni dhe dokumentet u ndanë me forcat policore në Francë, Angli, Australi, Shtetet e Bashkuara, Greqi, Serbi, Azerbajxhan, Kosovë, Bullgari, Maqedoninë e Veriut, Brazil dhe Iran”, tha Yerlikaya.
