Kryetari i Aleancës për Ardhmërinë e Kosovës, Ramush Haradinaj ka qëndruar për vizitë sot në Ankara të Turqisë.
Në një postim në ‘Facebook’ Haradinaj ka bërë të ditur se është takuar me zëvendësministrin e Punëve të Jashtme, Mehmet Bozay dhe me zëvendësministrin e Mbrojtjes, Musa Heybet.
Ai po ashtu tha se në takim ishte edhe me këshilltarin e lartë të presidentit Erdogan, Sabri Demirin, duke shtuar se u konfirmua mbështetja e shtetit të Turqisë për Kosovën.
“Sot qëndrova për një vizitë në Ankara, ku u prita nga zëvendësministri i Punëve të Jashtme, Mehmet Kemal Bozay, dhe zëvendësministri i Mbrojtjes, Musa Heybet. Gjithashtu, takova edhe këshilltarin e lartë të Presidentit Erdogan, Sabri Demiri. Turqia mbetet e angazhuar për rajonin dhe e përkushtuar për Kosovën”, ka shkruar Haradinaj.
