Policia njofton se rasti ka ndodhur në Suharekën, ndërsa gjatë kontrollit të shtëpisë, banesës dhe objekteve përcjellëse, janë sekuestruar dy pistoleta, municion, veturë e narkotikë.

“DHKR me DHTN në bashkëveprim me Prokurorin Themelore Prizren kanë kontrolluar shtëpinë–objektet përcjellëse, automjetin dhe një banesë me qira e të dyshuarit  mashkull kosovar, me ç ‘rast si prova materiale janë gjetur dhe konfiskuar: dy pistoleta, dy karikator me 9 copë fishekë, një armë automatike  me 81 copë fishekë,  një automjet, 1 kg e 57 gram narkotikë të llojit marihuanë, një peshore elektronike, dy grinder, dhe dy telefona mobil”, thuhet në njoftim.

Policia thekson se i pandehuri dyshohet edhe për fajde, i njëjti u arrestua dhe me vendim të prokurorit është dërguar në mbajtje.