Në Asamblenë e Përgjithshme të Kombeve të Bashkuara është votuar rezoluta e titulluar “bashkëpunimi ndërmjet OKB-së dhe organizatave rajonale dhe të tjera: bashkëpunimi mes OKB-së dhe Këshillit të Evropës”, ku përmendet agresioni rus ndaj Ukrainës.
Më saktësisht, përmendet vazhdimisht se Rusia është agresori në konfliktin në Ukrainë dhe se Evropa po përballet me “sfida të paprecedentë pas agresionit të Federatës Ruse ndaj Ukrainës, e më parë ndaj Gjeorgjisë”.
Delegacioni amerikan e kritikoi këtë formulim, duke thënë se “nuk kontribuon për paqen”, ndërsa ekipi rus tha se teksti ishte “absolutisht i papranueshëm”.
Në fund, këto dy vende, së bashku me Bjellorusinë, Korenë e Veriut, Eritrea, Mali, Nikaragua, Nigeri dhe Sudani, votuan kundër.
Megjithatë, rezoluta u miratua me 103 vota pro, nëntë kundër dhe 33 abstenime. Nga vendet e rajonit pro votuan Sllovenia, Kroacia, Mali i Zi dhe Bosnje-Hercegovina. Serbia dhe Maqedonia e Veriut abstenuan.
Kujtojmë se kjo nuk është hera e parë që delegacioni amerikan voton së bashku me Rusinë, veçanërisht për çështjet e formulimit të natyrës së konfliktit në Ukrainë.
Që kur Donald Trump u bë president i SHBA-së, retorika e Amerikës, si dhe votimi i saj në organizmat ndërkombëtare, ka ndryshuar ndjeshëm në këtë kontekst.
