Shkruan: Nue OROShI
Është hera e parë në historinë parlamentare të Republikës se Kosovës që Konstituivi i Parlamentit dështon ende pa e dhënë deputetët betimin. Mosdhëna e betimit i lë deputetët pezull as në tokë e as në qiell. Ata dhe ato ende nuk janë të vetëdijshëm se janë përfaqësues te popullit dhe duhet ta themelojnë Parlamentin e Kosovës. Si duket sharra ka hasur në gozhdë tek qeveritarët të cilët i kanë nga dy pozita dhe po ju dhimbsen t’i lëshojnë. Një gjë duhet kuptuar Kryeministri dhe ministrat e qeverisë në dorëheqje. Ata që sot të gjithë duhet dhënë dorëheqjen dhe Qeveria prapë mbetët qeveri në dorëheqje e cila e vazhdon punën por e vazhdojnë funksionarët e tjerë të Qeverisë të cilët nuk janë zgjedhur deputet.Në këtë rast ushtrimin e detyrës se Kryeministrit e merr me automatizëm Daut Bislimi kurse edhe zëvendësministrat e tjerë të cilët nuk janë zgjedhur deputet e marrin rolin e ushtruesit të detyrës se ministrit në dorëheqje. E të shtunën mund të zgjidhet Kryesia e Parlamentit të Kosovës duke respektuar Kushtetutën e Republikës së Kosovës si dhe rregulloret e Parlamentit të Kosovës. Ka kohë që i kam dhënë disa sugjerime politike se shumica parlamentare duhet të krijohet në bazë të marrëveshjeve politike të nënshkruara në mes të partive politike dhe ta bëjnë shumicën në Parlamentin dhe Qeverinë e Kosovës. Do ishte mirë që të shtunën votimi i Kryesisë së Parlamentit të Republikës së Kosovës të bëhet votim i përbashkët në pako ku Kryetari i Parlamentit dhe Nënkryetarët e Parlamentit të zgjidhën më një votim të përbashkët. Më pas lë të vazhdohet lufta politike duke u bazuar në Kushtetutën e Republikës së Kosovës për themelimin e Qeverisë. Qeverinë e themelon dhe e udhëheq ai Koalicioni politik që i grumbullon 61 deputet. Kurse tek Parlamenti është një matematikë tjetër. Kryesia e Parlamentit duhet të ketë renditjen sipas votave që kanë fituar partitë politike më 9 shkurt 2025. Moskonsitituivi i Parlamentit të Republikës së Kosovës e dëmton tejmase shtetin e Kosovës. Ndërkohë që kryesuesi i seancës Avni Dehari duhet ta ketë një gjë të qartë. Pavarësisht a ka dakordim apo nuk ka dakordim në mes të partive politike parlamentare pikat e rendit të ditës duhet të hyjnë në votim dhe ato duhet të votohen kur janë në sallë mbi 61 deputet pavarësisht se si do të votojnë deputetët. Ky fillim i ngathtë tregon qartë se ky parlament do të jetë i zbehtë dhe jo frytdhënës. Partitë politike po shihet qartë se interesat personale të liderëve të tyre dhe interesat politikë te partive te tyre i kanë vendosur mbi interesat shtetërore. Deputetët duhet ta dinë një çështje se Republika e Kosovës do të vazhdoj të jetoj edhe atëherë kur ju 120 deputetët që jeni zgjedhur në këtë mandat parlamentar nuk do të jeni asnjeri nga ju deputet të Parlamentit të Kosovës. Prandaj hiqni për një moment rrobat e partiakut dhe vishni ato shtetërore se partitë e tuaja mund edhe të shuhen dhe mos te ekzistojnë fare në të ardhmen por shteti i Kosovës në të ardhmen do të bën rrugëtimin e tij edhe pa ju.
