Policia e identifikoi sulmuesin si 20-vjeçarin Phoenix Ikner, student në këtë universitet, babai i të cilit është zëvendës sherifi vendas.
Gjithashtu u zbulua se ai ia mori armën nënës së tij, e cila punon në zyrën e sherifit lokal. Përveç armës me të cilën ka kryer këtë sulm, në makinën e tij është gjetur edhe një armë gjahu.
Kjo të shtëna masive ndodhi në orën 11 të mëngjesit me orën lokale, kur Ikner filloi të qëllonte në mënyrë të pakontrolluar në kampusin e Universitetit Shtetëror të Floridës.
Menjëherë në vendngjarje ka mbërritur policia, e cila pas një përleshjeje të shkurtër e ka plagosur dhe ka arritur ta arrestojë. Ikner ndodhet në një spital lokal, në gjendje të qëndrueshme.
Për këtë ngjarje fatkeqe ka reaguar edhe presidenti i SHBA-së, Donald Trump, i cili tha se i vjen keq që kjo ndodhi, por se nuk do të kërkonte ndryshimin e ligjit për blerjen e armëve të zjarrit.
“Armët nuk vrasin, njerëzit vrasin. Unë mbështes amendamentin e dytë të Kushtetutës së SHBA, pavarësisht nga gjërat e tmerrshme që bëjnë njerëzit,” tha Trump.
Vlen gjithashtu të theksohet se mes dy të vrarëve nuk ka studentë të Universitetit Shtetëror të Floridës. Nuk dihen ende identitetet e viktimave.
