Vendimi i Gjykatës Kushtetuese ndaj rastit të gazetarit Qyno, akt garantues i Kushtetutës dhe lirisë së gazetarit në Shqipëri
Unionit të Gazetarëve Shqiptarë ka vleresuar vendimin i Gjykatës Kushtetuese mbi kërkesën e gazetarit Elton Qyno për shpalljen e pavlefshme të kontrolleve të SPAK në banesën dhe zyrën e tij dhe sekuestrimin e mjeteve të punës, e cila sipas tyre konfirmon se e drejta e gazetarit për ruajtjen e burimit është një nga garancitë kushtetuese.
Në këtë vendim, konstatohet se gjykatat e niveleve të tjera të gjyqësorit, nuk kanë arsyetuar se përse u përdorën mjete të tjera për të zbuluar burimin si dhe u vendos shfuqizimi i vendimeve të mëparshme nga këto gjykata.
Unioni i Gazetarëve Shqiptarë e konsideron vendimin e Gjykatës Kushtetuese si një akt juridik të mbrojtjes së lirisë së gazetarit dhe të burimeve të tij.
“Ky vendim unanim, rrëzon sekuestrimin e mjeteve të punës së gazetarit.
UGSH, si organizata që e ka ndjekur këtë proces në të gjitha hallkat e gjykimit, vlerëson se vendimi i sotëm i Gjykatës Kushtetuese garanton realisht të drejtën kushtetuese për lirinë e shprehjes, raportimit dhe mbrojtjen e burimeve prej gazetarit.
Ky vendim meriton mbështetjen e gjithë gazetarëve dhe të mediave, si dhe çmohet prej Unionit të Gazetarëve Shqiptarë si një shërbim garantues dhe i vyer kushtetues që trupa e Gjykatës Kushtetuese në këtë rast, u ka bërë, demokracisë ligjore dhe lirisë së shprehjes dhe raportimit të gazetarëve shqiptarë”, thuhet ne nje deklarate te leshuar nga Zyra Informuese e UGSH.
