Shtetet e Bashkuara presin sot përgjigjen e Ukrainës ndaj një kuadri paqeje që përfshin njohjen amerikane të Krimesë si pjesë e Rusisë dhe njohjen informale të kontrollit rus mbi pothuajse të gjitha territoret e pushtuara që nga pushtimi i vitit 2022, i thanë Axios burime të njohura me propozimin.
Zëvendëspresidenti amerikan JD Vance tha se Shtetet e Bashkuara i kishin bërë një “propozim shumë të qartë” Rusisë dhe Ukrainës për një zgjidhje të mundshme paqeje, duke thënë se ishte “koha që ata të bien dakord ose SHBA do të tërhiqen nga procesi”.
Ukraina është e gatshme të negociojë, por jo të dorëzohet, tha sot zëvendëskryeministrja e Ukrainës, Yulia Sviridenko, pasi raportet e mediave zbuluan detaje të një propozimi të SHBA-së për një marrëveshje, sipas së cilës Ukraina do të hiqte dorë nga pothuajse të gjithë territorin e pushtuar nga Rusia.
Çdo marrëveshje paqeje midis Rusisë dhe Ukrainës duhet të përfshijë ruajtjen e integritetit territorial të Ukrainës, tha sot Pallati Elysée, raporton AFP.
“Integriteti territorial i Ukrainës dhe aspiratat e saj evropiane janë kërkesa shumë të forta për evropianët”, tha zyra e presidentit francez Emmanuel Macron, duke reaguar ndaj deklaratës së zëvendëspresidentit amerikan JD Vance se “të dyja palët do të duhet të heqin dorë nga një pjesë e territorit që ata aktualisht kontrollojnë”.
