Deputetja e Alternativës në listën e VV-së, Mimoza Kusari-Lila, pas dështimit të sotëm të seancës tha se nuk mund të ndërrohet me kaq lehtësi kandidatja për kryetare të Kuvendit, duke iu referuar Albulena Haxhiut.
Kusari tha se Haxhiu ka më shumë vota se Haradinaj dhe gjithë AAK-ja. “Është 30 mijë vota para zotit Krasniqi, ju lutem mos ta marrim aq me lehtësi mundësinë e ndryshimit të një propozimi … ”, tha Kusari.
Ajo tha se nuk kanë pajtueshmëri me Nismën Socialdemokrate për të votuar Haxhiun për kryeparlamentare.
“Votimi në Kuvend është publik. Deri në këtë moment s’ka pajtueshmëri nga ana e tyre (Nismës Socialdemokrate) për votë, siç e keni parë”, tha ajo.
