“Ju nuk e keni idenë se çfarë presioni po i bëjmë Rusisë,” tha Trump.
Trump u pyet për koncesionet e ofruara nga qeveria ruse për të arritur një plan paqeje me Ukrainën, por dha një përgjigje të paqartë: “Ndalimi i luftës, ndalimi i pushtimit të të gjithë vendit. Koncesion mjaft i madh”.
I pyetur nëse besonte se presidenti rus Vladimir Putin ishte “serioz” në lidhje me dëshirën e paqes pas sulmeve vdekjeprurëse në Kiev këtë javë, Trump tha se mendonte se të dyja palët dëshironin paqen.
“Pra, ne mendojmë shumë fort se ata të dy duan paqe, por duhet të vijnë në tryezën e bisedimeve. Ne kemi pritur një kohë të gjatë. Ata duhet t’i sjellin në tryezën e bisedimeve. Dhe unë mendoj se ne do të bëjmë paqe”, tha Trump ndërsa drekonte me kryeministrin norvegjez Jonas Store.
Trump shtoi se ka shumë gjak të keq, por se ai shpreson që të dy kombet të arrijnë një marrëveshje.
I pyetur nëse kishte një afat për bisedimet e paqes, pasi paralajmëroi se Shtetet e Bashkuara mund të tërhiqeshin nga bisedimet, Trump tha se kishte “afatin e tij të fundit”, por nuk specifikoi.
“Unë kam afatin tim dhe duam që ai të jetë i shpejtë, dhe kryeministri po na ndihmon. Dhe ai dëshiron që të jetë i shpejtë. Mendoj se të gjithë në këtë, ju e dini, tani në NATO, duan ta shohin këtë të ndodhë. Pra, ne kemi një afat. Dhe pas kësaj ne kemi – do të kemi një qëndrim shumë të ndryshëm. Por mendoj se ka një shans shumë të mirë që të realizohet,” tha Trump.
