Virginia Giuffre, e cila akuzoi princin britanik Andrew dhe financierin Jeffrey Epstein për abuzim seksual, ka kryer vetëvrasje në fermën e saj në Australinë Perëndimore. Kjo është bërë e ditur nga familja Giuffre. Ajo ishte 41 vjeç.
“Ajo kreu vetëvrasje pas një jete dhune seksuale dhe trafikimi njerëzor. Përfundimisht, efektet e dhunës u bënë shumë të rënda për Virxhinian”, tha familja në një deklaratë .
Giuffre ishte një nga gratë më të zëshme që akuzoi Epstein për abuzim. Në vitin 2019, Giuffre zbuloi se si adoleshent, Epstein e trafikoi atë dhe e detyroi të bënte seks me të njohurit e tij, përfshirë Princin Andrew të Britanisë. Sipas saj, princi e dinte që ajo ishte vetëm 17 vjeç. Andrew i mohoi akuzat.
Epstein u arrestua në korrik 2019 me akuzën për trafik seksual, por kreu vetëvrasje në burg një muaj më vonë. Në shkurt 2022, Princi Andrew dhe Giuffre arritën një marrëveshje paragjyqësore. Shuma e kompensimit nuk u bë e ditur.
