Djali i presidentit amerikan Donald Trump Jr është kthyer në Beograd për herë të dytë brenda një muaji dhe mbrëmë është pritur për darkë nga presidenti serb Aleksandar Vuçiq.
Trump Junior është nënkryetar ekzekutiv i konglomeratit amerikan Trump Organization, dhe mbërriti të shtunën për t’u takuar me biznesmenë serbë pasdite.
Kryetari i Odës Ekonomike të Serbisë, Marko Čadež, ka thënë, sipas raportit të Tanjug, se kanë pasur mundësinë që t’i prezantojnë projektet e tyre mysafirit.
Ai ishte në Serbi edhe në mars.
Djali i presidentit amerikan ishte në Beograd në mars, kur intervistoi Vuçiqin për podkastin e tij, ndërsa më parë ai ishte në Serbi në fund të shtatorit të vitit të kaluar, gjatë fushatës zgjedhore të babait të tij.
Vuçiq më pas theksoi në Instagram “rëndësinë e bashkëpunimit strategjik mes dy vendeve dhe projekteve të përbashkëta në vitet e ardhshme”.
Të shtunën në mbrëmje, Vuçiq u mburr në Instagram se do ta mirëpriste Trump Junior në darkë me një mish derri të pjekur. “Do të ishte marrëzi të ofrosh karkaleca dhe krape deti”, ka deklaruar Vuçiq, me një foto pranë rokut të përgatitur për mysafirin.
Dhëndri i Trump, Jared Kushner ka filluar tashmë angazhimin e biznesit në Serbi në maj 2024, duke kontraktuar ndërtimin e një kompleksi biznesi dhe banimi në vendin e ish-Shtabit të Përgjithshëm të Ushtrisë Jugosllave, e cila u shkatërrua gjatë bombardimeve të NATO-s në 1999.
Në atë vend është planifikuar të ndërtohet një hotel luksoz me hapësirë biznesi dhe më shumë se 1500 apartamente dhe projekti po pasohet nga protesta të shumta antiqeveritare në Serbi, të cilat pretendojnë se shteti ka lidhur një “kontratë sekrete, pa asnjë logjikë ekonomike”, pavarësisht kundërshtimeve nga publiku profesionist dhe qytetarët.
