Në fshatin Stagovë të Kaçanikut është gjetur një mjet i pashpërthyer i cili dyshohet se i përket Luftës së Dytë Botërore.
Zëdhënës në policinë rajonale të Ferizajt, Kanun Veseli, tha për RTKlve se sipas KFOR-it, ekziston rreziku që mjeti të shpërthejë pas 72 orësh dhe kanë rekomanduar sigurimin e mjetit deri më 30.04.2025, pas kalimit të afatit të rrezikut.
“Me datën 26.04.2025, në Lagjen Teneqja, fshati Stagovë, Kaçanik gjatë gërmimeve me një eskavator është gjetur një mjet i pashpërthyer, i dyshuar si i Luftës së Dytë Botërore. Patrulla policore ka marrë masa duke bllokuar rrugët alternative pranë vendit të ngjarjes.
Në vend kanë dalë njësitë e FSK-së dhe KFOR-it,
Sipas KFOR-it, ekziston rreziku që mjeti të shpërthejë pas 72 orësh dhe kanë rekomanduar sigurimin e mjetit deri më 30.04.2025, pas kalimit të afatit të rrezikut, për të ndërmarrë më pas veprimet e nevojshme”, ka thënë për RTKlive Kanun Veseli.
