Kryeministri në detyrë i vendit, Albin Kurti, bëri homazhe në nderim të personave të zhdukur me dhunë gjatë luftës në Kosovë.
Bëhet e ditur se në kuadër të aktiviteteve zyrtare në shënim të Ditës Kombëtare të Personave të Zhdukur me Dhunë, kryeministri në detyrë Albin Kurti, së bashku me kryetarin e Delegacionit të Kosovës për bisedime për çështjen e personave të zhdukur me dhunë, Andin Hoti, deputetë të Kuvendit e anëtarë të kabinetit qeveritar si dhe familjarë të të zhdukurve me dhunë, bëri homazhe në nderim të personave të zhdukur me dhunë gjatë luftës në Kosovë.
Homazhet fillimisht u bënë te Monumenti për personat e zhdukur, pranë Kuvendit të Kosovës e pastaj edhe te Parku memorial “Të zhdukurit me dhunë nga Serbia”, pranë Bibliotekës Kombëtare, bënë të ditur zyra e Kryeministrit.
“Në këtë ditë, që po ashtu shënon 26-vjetorin e masakrës së Mejës, Kurti tha se të përhershme do mbeten përkuljet me nderime dhe përkujtimet me humanizëm para viktimave të masakrës së Mejës dhe të gjithë të rënëve në rrugën e gjatë të Kosovës për liri!”, thuhet në këtë njoftim.
