Në kryeqytet vazhdojnë përplasjet mes Komunës së Prishtinës dhe Ministrisë së Kulturës, pasi kjo e fundit nuk po e lejon nisjen e punimeve në rrugën “Agim Ramadani”, duke thënë se ndikon në gjendjen urbane të bërthamës së qendrës historike të Prishtinës.
Ende nuk ka filluar projekti për nënkalimin në rrugën “Agim Ramadani”, i cili nga qeverisja komunale në kryeqytet ishte konsideruar ndër kryesorët.
Kërkesa për leje në nisjen e punimeve në këtë projekt, ishte refuzuar nga instituti për mbrojtjen e monumenteve, me arsyetimin se ndikon në ndryshimin e gjendjes urbane të bërthamës së qendrës historike të Prishtinës, ku ka ndikime negative në asetet e trashëgimisë kulturore si dhe duke kontribuar në zhdukjen e gjurmëve tëtrashëgimisë arkeologjike dhe arkitektonike të zhvillimit të Prishtinës, që nga parahistoria e deri më tani.
Sipas komunarëve, ky projekt nuk është dashur të ndalet dhe sipas tyre, nuk ndikon negativisht në asetet e trashëgimisë kulturore.
Nga opozita e thonë të kundërtën e Komunës sa i përket këtij projekti.
Në një përgjigje me shkrim, Rrezarta Loxha Vitaku nga Instituti për Mbrojtjen e Monumenteve tha për RTK-në se nuk kanë pranuar deri më tani ndonjë kërkesë të re nga komuna sa i përket këtij projekti.
