Presidenti i SHBA-së, Donald Trump, tha të dielën në mbrëmje se negociatat bërthamore me Iranin po shkonin “shumë mirë”.
“Mendoj se do të arrihet një marrëveshje… Do të kemi diçka pa pasur nevojë të fillojmë bombardimet”, u tha Trump gazetarëve.
Një raund tjetër bisedimesh midis Iranit dhe SHBA-së ishte planifikuar për të shtunën e ardhshme, dhe një zyrtar izraelit që foli për Washington Post tha se besonte se afati 60-ditor i Trump për të arritur një marrëveshje përfundimisht do të zgjatej.
Një zyrtar tjetër izraelit u tha gazetarëve se Izraeli është në dialog të vazhdueshëm me amerikanët në lidhje me negociatat bërthamore.
“Nuk është një komunikim njëkahësh, ne po shprehim pikëpamjet tona. Ka komunikim të vazhdueshëm në shumë nivele. Nuk do të rekomandoja të nxirrni përfundime të nxituara. Jam i bindur se Shtetet e Bashkuara janë të përkushtuara për të parandaluar Iranin nga pajisja me armë bërthamore”, tha zyrtari.
Të hënën, Ministri i Mbrojtjes i Izraelit, Israel Katz, u takua me anëtarët e Shtabit të Përgjithshëm të IDF-së, së bashku me Shefin e Shtabit, Gjenerallejtënant Herzi Halevi, dhe deklaroi: “Ne nuk do ta lejojmë Iranin të pajiset me armë bërthamore. Do të na duhet të marrim vendime dhe e dimë se ka nga ata që do t’i zbatojnë ato nëse detyrohemi të veprojmë.”
