“Vetëm pas rreth 20 sekondash e kuptova se ishte një sulm terrorist, kur pashë disa njerëz të plagosur nga plumbat poshtë meje”, tha Bhatt për The Indian Express. Në kohën e të shtënave, ai ishte me gruan e tij Bhakti (35) dhe djalin Preet (11), dhe atyre iu desh të ndërprisnin një udhëtim familjar të planifikuar për periudhën nga 16 deri më 27 prill një ditë më parë.
Bhatt e bëri videon me celular duke përdorur një shkop selfie, dhe siç pretendon ai, kur e kuptoi seriozitetin e situatës, ndaloi së filmuari dhe fjalë për fjalë u hodh nga kablli i zipline para pikës së fundit.
“Gruaja ime më tha më pas se sulmuesit vranë dy persona nga dy familje të ndryshme pasi i pyetën për fenë e tyre. I pashë vetë trupat e tyre”, shtoi ai.
“Pasi kreu disa kontrolle, më dha leje ta ndaja videon me median,” tha ai.
Edhe pse videoja është tani në dispozicion të publikut, Bhatt thotë se deri më sot asnjë agjenci sigurie nuk e ka kontaktuar atë për një deklaratë zyrtare.
Familja u largua menjëherë nga Pahalgami pas sulmit dhe u kthye në Srinagar, nga ku u kthye në Ahmedabad më 23 prill.
Ju kujtojmë se India akuzoi Pakistanin për këtë sulm, në të cilin u vranë 26 burra më 22 prill. Islamabadi i mohoi akuzat dhe të dyja palët shkëmbyen zjarr në Kashmir, lëshuan kërcënime diplomatike, dëbuan qytetarë dhe mbyllën kufirin.
