Presidenti rus Vladimir Putin tregoi pjesë të apartamentit ku jeton në Kremlin, të cilat u publikuan të gjitha nga media shtetërore ruse.
Pamjet e apartamentit të Putinit u përfshinë në një film të ri dokumentar për të, i cili është prodhuar nga kanali televiziv Russia 1. Ekipi që po punonte për filmin u takua me Putinin në Kremlin dhe në një moment ai vendosi t’i çonte në apartamentin, i cili ndodhet pranë zyrës së tij.
“Po, ky është ai apartament. Siç mund ta shihni, nuk është larg”, i tha Putin gazetarit Pavel Zarubin.Sipas pamjeve të para, në apartament mund të shihen një piano e bardhë, një portret i Carit rus Aleksandër III, një bibliotekë dhe një kishë shtëpiake.
Zarubinin brenda.
Putin showed journalist Pavel Zarubin his apartment in the Kremlin and admitted that he has been spending the night there almost every day for the past 3 years. pic.twitter.com/dhvhXLMXlK
— Ukraine/Russia News (@UKRRUSNews) May 1, 2025 “>
Putin tha se gjatë tre viteve të fundit ai ka kaluar shumicën e netëve në këtë apartament. Sipas tij, rrallë ka mundësinë të luajë në piano.
Në vitin 2020, presidenti rus u tregoi gazetarëve zyrën e tij dhe tha se pas derës ka disa dhoma të tjera ku gazetarët nuk kanë qenë kurrë.
“Ka një dhomë ngrënieje dhe një dhomë argëtimi, por po ju paralajmëroj. Unë nuk gatuaj asgjë atje, kështu që është një… atmosferë pune. Ju jeni ndoshta i pari këtu”, tha Putin.
Në pranverën e vitit 2023, Putin përmendi se kishte folur me udhëheqësin kinez Xi Jinping në apartamentin e tij në Kremlin.
“Ne hëngrëm një drekë pune dhe pastaj, për miqësi, e ftova kryetarin të transferohej në një dhomë tjetër – kam një apartament këtu, ku kam kaluar shumë kohë kohët e fundit, dhe punoj këtu, dhe shumë shpesh kaloj natën, kështu që u zhvendosëm atje. Të ulur pranë oxhakut dhe duke pirë çaj, biseduam ngadalë për gjithçka”, tha Putin në atë kohë.
