Një avion luftarak rus Su-30 u rrëzua nga një raketë ukrainase e lëshuar nga një dron detar , njoftoi të shtunën shërbimi i inteligjencës ushtarake të Ukrainës (GUR), duke e përshkruar incidentin si rrëzimin e parë në botë të një avioni luftarak nga një dron detar .
Sipas njoftimit të GUR në mediat sociale, rrëzimi u krye të premten nga njësia speciale ” Grupi 13 ” e shërbimit të inteligjencës ushtarake, pranë brigjeve të Novorossiysk, një port strategjik rus në Detin e Zi.
Ukraina , pavarësisht superioritetit të konsiderueshëm ushtarak të Rusisë, ka investuar sistematikisht në strategji lufte jokonvencionale , duke u mbështetur në dronë si në ajër ashtu edhe në det, për të kompensuar çekuilibrin e fuqisë gjatë tre viteve të luftës.
Dronët detarë të Ukrainës, shumë më të lirë dhe më të vegjël se anijet konvencionale, i kanë dhënë një goditje kritike flotës ruse të Detit të Zi, duke shkaktuar dëme të konsiderueshme në anije dhe infrastrukturë.
Kjo nuk është hera e parë që ky lloj droni është përdorur për të rrëzuar një aeroplan rus: Ukraina njoftoi se në dhjetor 2024 arriti të godiste një helikopter të ushtrisë ruse me një lëshim të ngjashëm rakete nga një platformë detare.
