Një aksident trafiku ka ndodhur sot pasdite në magjistralen Ferizaj–Gjilan, në fshatin Mirosalë, ku janë përfshirë katër automjete: një autobus, një kamionetë dhe dy furgona.
Rasti ka ndodhur rreth orës 17:00. Si pasojë e aksidentit, një person ka pësuar lëndime të lehta trupore. Lajmin për RTKlive e ka konfirmuar zëdhënësi i Policisë për rajonin e Ferizajt, Kanun Veseli.
“Më datë 05.05.2025, rreth orës 17:00, në magjistralen Ferizaj–Gjilan, në fshatin Mirosalë, ka ndodhur një aksident trafiku në të cilin janë përfshirë një autobus, një kamionetë dhe dy furgona. Si pasojë e aksidentit, një person ka pësuar lëndime të lehta trupore. Ndihma e parë mjekësore i është ofruar në vendin e ngjarjes nga ekipi i emergjencës. Njësia e hetimeve të aksidenteve ka dalë në vendin e ngjarjes dhe po heton shkaqet që kanë çuar deri te aksidenti”, ka thënë Veseli.
