Shkruan: Gurakuç KUÇI Hulumtuesi i Lartë në Institutin për Studime të Luftës Hibride “OCTOPUS”
Austria para disa ditësh ka dëbuar Dragana Trifkovic, figurë politike serbe, e lidhur drejtpërdrejt me shërbimin sekret rus FSB.
Por AKI e kishte ndaluar hyrjen e saj në Kosovë që në vitin 2016, duke e klasifikuar si rrezik për sigurinë kombëtare.
Ajo nuk është rast i izoluar.
Sipas burimeve të inteligjencës perëndimore të publikuara më herët nga Politico, Rusia po përdor Serbinë për tu infiltruar në institucionet e BE-së përmes agjentëve që përdorin pasaporta serbe dhe duken si “neutralë”.
Dragana prezantohej si “analiste politike”, por vepronte si zëdhënëse e propagandës ruse, merrte pjesë në operacione hibride, glorifikonte aneksimin e Krimesë dhe bashkëpunonte me ekstremistë të djathtë rusë.
Kjo nuk është më vetëm çështje e Ballkanit Perëndimor. Është një çështje evropiane.
BE-ja duhet ta kuptojë:
Serbia nuk është një shtet neutral. Ajo është një platformë operative e Rusisë dhe çdo agjent i dëbuar është vetëm maja e ajsbergut.
