esidenti francez Emmanuel Macron tha në fillim të vizitës së tij në Kiev se ukrainasit kanë rezistuar me “guxim të mahnitshëm” për vendin, lirinë dhe Evropën e tyre për më shumë se tre vjet, duke theksuar se siguria e të gjithë kontinentit evropian kërcënohet nga ajo luftë.
“Reagimi ynë duhet të jetë kolektiv”, tha Macron në rrjetin X, duke theksuar se Franca po vepron së bashku me Gjermaninë, Poloninë dhe Britaninë e Madhe.
Ai paraqiti tre mesazhe kryesore – paqen, sovranitetin dhe të ardhmen. Macron tha se një paqe e drejtë dhe e qëndrueshme duhet të fillojë me një armëpushim të plotë dhe pa kushte, të cilin ai tha se është një propozim që Franca po e ndjek me Shtetet e Bashkuara.
Sipas tij, Ukraina e pranoi atë propozim që më 11 mars, ndërsa Rusia po “zvarrit, po vendos kushte dhe po vazhdon pushtimin”.
