Sot është kujtuar edhe atdhetari e heroi Fadil Vata, në përvjetorin e 35-të të ndarjes nga jeta. Bashkëveprimtarët e kujtojnë Fadil Vatën të pathyeshëm në asnjë sfidë të kohës gjatë veprimtarisë kombëtare.
Përfaqësues të institucioneve, familjarë dhe bashkëveprimtarë, me pietet kujtuan veprën e atdhetarit dhe heroit kombëtar, i cili si para, gjatë dhe pas daljes nga burgu në ish-Jugosllavi, asnjëherë nuk rreshti së angazhuari për lirinë e vendit. Bashkëveprimtarët e kujtojnë Fadil Vatën të pathyeshëm në asnjë sfidë të kohës gjatë veprimtarisë kombëtare.
“Më tetë tetor 1980, me Fadilin paraqitemi në qytetin e Pozharevacit. Në dy kazerma në distancë prej 30 km, ne gjenim mënyra të takoheshim dhe të ndanim preokupimet tona”, tha Muharrem Bytyqi, bashkëveprimtar.
“Shembullin e Rexhep Malës e përsëritën Fadil Vata e Afrim Zhitia. Me të dalë nga burgu, vendosën në krye të organizimeve të zhvillimeve të brendshme”, tha Ali Ahmeti, bashkëveprimtar.
“Nuk ka fuqi, as Serbia, as Jugosllavia, të na ndalë rrugën tonë drejt lirisë, të cilës patjetër duhet t’i shkojmë deri në fund, na porosiste Fadil Vata”, tha Ramadan Avdiu, bashkëveprimtar.
Heronjtë kanë vetëm ditëlindje, ata janë të gjallë, ndërsa heroi Fadil Vata ia la trashëgimi lirinë e Kosovës të gjithë popullit shqiptar, u tha në këtë rast.
