Hykmete Bajrami nga LDK ka thënë se LVV është partia që duhet të ndërroj qëndrimet e tyre, pas dështimit të 15-të të përpjekjes për konstituim të Kuvendit të Kosovës.
“As LVV dhe koalicioni i tyre nuk i kanë votat dhe ne e kemi pranuar me sinqeritet se as partitë e djeshme opozitare nuk i kanë numrat. Për të ecur para dhe për të pasur vullnet për çbllokim kjo është alternative që ne e kemi në tavolinë. Shpresojmë që partitë të jenë prezente në takimin e thirrur nga presidentja dhe në qoftë se janë kundër popozimit tonë, janë ata që duhet të lëvizin”, ka thënë ajo.
Bajrami ka thënë se VV i ka edhe 13 parti të tjera politike parlamentare, të cilave nuk u ka bërë ofertë për bashkëpunim, përveç LDK-së.
Ajo ka përmendur se VV ka edhe kandidatë të tjerë që mund të propozojnë, teksa disa parti politike janë deklaruar se emra të tjerë do t’i votonin si kryesues të Kuvendit të Kosovës.
