Kandidatja për kryetare bashkie të Texistepenës në Meksikë, Yesenia Lara Gutierrez, u vra të dielën në mbrëmje gjatë një tubimi ceremonial parazgjedhor. Përveç saj, u vranë edhe tre persona të tjerë.
Një transmetim i drejtpërdrejtë në Facebook kapi tmerrin. Në të tregohej Gutiérrez duke përshëndetur banorët ndërsa parakalonte nëpër rrugët e Texistepeco-s, e rrethuar nga një karvan mbështetësish.
Turma u pa duke buzëqeshur dhe duke kënduar përpara se të dëgjoheshin papritur të shtënat. Në regjistrim u dëgjuan rreth 20 të shtëna me armë zjarri dhe të nesërmen regjistrimi ishte ende i disponueshëm në faqen e Facebook-ut të Larës.
“Ne po koordinohemi, veçanërisht me sekretarin e sigurisë, dhe me gjithë mbështetjen e nevojshme gjatë kësaj periudhe zgjedhore nga Veracruz dhe Durango”, tha ajo, duke iu referuar zgjedhjeve të ardhshme të 1 qershorit në të dy shtetet.
Kandidati për kryetar bashkie, anëtar i partisë në pushtet Morena, ishte midis katër personave të vrarë në të shtënat, sipas zyrës së prokurorit të shtetit. Tre persona të tjerë u plagosën.
Autoritetet po vazhdojnë hetimet për çështjen dhe premtojnë drejtësi.
Sulmet ndaj kandidatëve politikë janë të zakonshme gjatë cikleve zgjedhore në Meksikë.
Vitin e kaluar, vendi regjistroi një numër rekord viktimash të dhunës politiko-kriminale, me Data Cívica, një organizatë për të drejtat e njeriut, që raportoi 661 sulme ndaj njerëzve dhe objekteve. Shumë viktima ishin ose po kandidonin për poste në nivel bashkiak.
Në maj të vitit 2024, një kandidat për kryetar bashkie u vra gjatë një ndalese fushate në shtetin jugor të Guerrero-s, në një të shtënë që u filmua gjithashtu.
Disa ditë më vonë, kryetarja e bashkisë së Cotijas në shtetin e Michoacán u vra ndërsa po ecte nga palestra për në shtëpinë e saj me një truproje.
Në tetor, kryebashkiaku i kryeqytetit të Guerreros, Chilpancingo, u vra më pak se një javë pasi mori detyrën.
