Presidenti serb Aleksandër Vuçiq e ka pritur në Beodrad, presidentin e Këshillit Evropian, Antonio Costa, i cili po qëndron për një vizitë zyrtare. Për Kostën u organizua një pritje ceremoniale, me nderime shtetërore.
Pas ceremonisë së pritjes, u zhvillua një bisedë kokë më kokë, si dhe bisedime plenare midis delegacioneve serbe dhe të BE-së, dhe më pas u planifikuan deklarata për median.
Këshilli i Evropës ka njoftuar se Costa qëndron në Beograd si pjesë e një vizite në Ballkanin Perëndimor, qëllimi i së cilës është të konfirmojë angazhimin e Bashkimit Evropian ndaj rajonit.
Këshilli i Evropës ka bërë të ditur se Costa do të theksojë rëndësinë e forcimit të mëtejshëm të momentit të ripërtërirë në procesin e zgjerimit dhe marrëdhëniet midis BE-së dhe Ballkanit Perëndimor.
“Forcimi i bashkëpunimit me Ballkanin Perëndimor është një përparësi kryesore politike për BE-në dhe për mua personalisht. Po vizitoj rajonin për të diskutuar sfidat e qëndrueshme me udhëheqësit dhe për të demonstruar se BE është e gatshme të ndihmojë. Ekziston një vrull i qartë për zgjerim, por vrull kërkon angazhim dhe zbatim”, ka thënë ai përpara vizitës.
Presidenti i Këshillit të Evropës do të udhëtojë nga Beogradi në Sarajevë, më 14 maj do të vizitojë Podgoricën dhe Prishtinën, dhe më 15 maj do të vizitojë Shkupin dhe Tiranën.
