Kombëtarja e Kosovës në futboll, kualifikueset për Kupën e Botës 2026, do t’i nis më 5 shtator kundër Zvicrës.
Federata e zvicerane e futbollit, të mërkurën ka konfirmuar se ndeshja mes helvetëve dhe Dardanëve do të luhet në Basel më 5 shtator.
“Ekipi nacional do t’i luajë dy ndeshjet e para kualifikuese për Kupën e Botës në Basel. Ndeshjet ndaj Kosovës, të premten më 5 shtator, dhe ndaj Sllovenisë, të hënën më 8 shtator, do të zhvillohen nga ora 20:45 në St. Jakob – Park”, thuhet në njoftimin e Federatës së Futbollit të Zvicrës.
Kombëtarja jonë pritet të ketë përkrahje të madh nga tifozët shqiptare pasi në Basel jetojnë një numër i madh i shqiptarëve.
Ndeshja Zvicër-Kosovë do të fillojë në orën 20:45.
