Autoritetet estoneze pretendojnë se një avion ushtarak rus shkeli për pak kohë hapësirën ajrore të NATO-s gjatë një incidenti me një anije cisternë, e cila dyshohet se ka shkelur sanksionet e vendosura ndaj Rusisë për shkak të luftës në Ukrainë.
Sipas ish-ministrit të Jashtëm estonez, Margus Tsahkne, një avion luftarak rus fluturoi mbi Detin Baltik ndërsa përpiqej të mbronte një anije cisternë me emrin Jaguar, e cila u vendos në listën britanike të anijeve të sanksionuara javën e kaluar.
U publikua edhe një video e incidentit.
❗️It is reported that the Estonian military made an attempt to arrest a JAGUAR tanker of Russia’s shadow fleet that was on its way to a Russian port under the flag of Gabon.
A Russian Su-35 flew into the Estonian airspace to help the tanker out. Estonia accused Russia of… pic.twitter.com/ysslihSDIC
— Anton Gerashchenko (@Gerashchenko_en) May 14, 2025 “>
Marina Estoneze tha se anija cisternë po lundronte në ujërat ndërkombëtare midis Estonisë dhe Finlandës, injoroi urdhrat për të ndryshuar kurs dhe përfundimisht u shoqërua drejt ujërave territoriale ruse.
“Avioni rus hyri në hapësirën ajrore të NATO-s”
“Federata Ruse dërgoi një avion luftarak për të kontrolluar situatën dhe ai avion shkeli hapësirën ajrore të NATO-s për rreth një minutë”, u tha Tsahkna gazetarëve. “Federata Ruse është gati të mbrojë ‘flotën në hije’… Situata është vërtet serioze.”
Një avion luftarak rus Su-35 iu afrua cisternës dhe e rrethoi atë. Sipas një zëdhënësi të Forcave Mbrojtëse Estoneze, avioni qëndroi kryesisht në hapësirën ajrore ndërkombëtare, por hyri për pak kohë në hapësirën ajrore estoneze ndërsa afrohej.
Moska po përdor gjithnjë e më shumë të ashtuquajturën flotë në hije – një grup prej më shumë se njëqind anijesh që i shmangen zbulimit dhe mbikëqyrjes me qëllim eksportimin e naftës në vende si Kina dhe India, duke anashkaluar sanksionet perëndimore. Autoritetet ruse pretendojnë se të gjitha anijet e tyre kanë të drejtën e lundrimit të lirë dhe se çdo përpjekje për ndërhyrje është “e papranueshme dhe e rrezikshme”.
